8.7.13

छंद
jaya saguna nirguna rūpa anūpa bhūpa sirōmanē.
dasakaṃdharādi pracaṃḍa nisicara prabala khala bhuja bala hanē..
avatāra nara saṃsāra bhāra bibhaṃji dāruna dukha dahē.
jaya pranatapāla dayāla prabhu saṃjukta sakti namāmahē..1..
tava biṣama māyā basa surāsura nāga nara aga jaga harē.
bhava paṃtha bhramata amita divasa nisi kāla karma gunani bharē..
jē nātha kari karunā bilōkē tribidhi dukha tē nirbahē.
bhava khēda chēdana daccha hama kahuom raccha rāma namāmahē..2..

8.7.12

चौपाई
prabhu bilōki muni mana anurāgā. turata dibya siṃghāsana māgā..
rabi sama tēja sō barani na jāī. baiṭhē rāma dvijanha siru nāī..
janakasutā samēta raghurāī. pēkhi praharaṣē muni samudāī..
bēda maṃtra taba dvijanha ucārē. nabha sura muni jaya jayati pukārē..
prathama tilaka basiṣṭa muni kīnhā. puni saba bipranha āyasu dīnhā..
suta bilōki haraṣīṃ mahatārī. bāra bāra āratī utārī..
bipranha dāna bibidha bidhi dīnhē. jācaka sakala ajācaka kīnhē..
siṃghāsana para tribhuana sāī. dēkhi suranha duṃdubhīṃ bajāīṃ..

8.7.11

चौपाई
avadhapurī ati rucira banāī. dēvanha sumana bṛṣṭi jhari lāī..
rāma kahā sēvakanha bulāī. prathama sakhanha anhavāvahu jāī..
sunata bacana jahaom tahaom jana dhāē. sugrīvādi turata anhavāē..
puni karunānidhi bharatu haomkārē. nija kara rāma jaṭā niruārē..
anhavāē prabhu tīniu bhāī. bhagata bachala kṛpāla raghurāī..
bharata bhāgya prabhu kōmalatāī. sēṣa kōṭi sata sakahiṃ na gāī..
puni nija jaṭā rāma bibarāē. gura anusāsana māgi nahāē..
kari majjana prabhu bhūṣana sājē. aṃga anaṃga dēkhi sata lājē..

8.7.10

चौपाई
prabhu jānī kaikēī lajānī. prathama tāsu gṛha gaē bhavānī..
tāhi prabōdhi bahuta sukha dīnhā. puni nija bhavana gavana hari kīnhā..
kṛpāsiṃdhu jaba maṃdira gaē. pura nara nāri sukhī saba bhaē..
gura basiṣṭa dvija liē bulāī. āju sugharī sudina samudāī..
saba dvija dēhu haraṣi anusāsana. rāmacaṃdra baiṭhahiṃ siṃghāsana..
muni basiṣṭa kē bacana suhāē. sunata sakala bipranha ati bhāē..
kahahiṃ bacana mṛdu bipra anēkā. jaga abhirāma rāma abhiṣēkā..
aba munibara bilaṃba nahiṃ kījē. mahārāja kahaom tilaka karījai..

8.7.9

चौपाई
kaṃcana kalasa bicitra saomvārē. sabahiṃ dharē saji nija nija dvārē..
baṃdanavāra patākā kētū. sabanhi banāē maṃgala hētū..
bīthīṃ sakala sugaṃdha siṃcāī. gajamani raci bahu cauka purāī..
nānā bhāomti sumaṃgala sājē. haraṣi nagara nisāna bahu bājē..
jahaom tahaom nāri nichāvara karahīṃ. dēhiṃ asīsa haraṣa ura bharahīṃ..
kaṃcana thāra āratī nānā. jubatī sajēṃ karahiṃ subha gānā..
karahiṃ āratī āratihara kēṃ. raghukula kamala bipina dinakara kēṃ..
pura sōbhā saṃpati kalyānā. nigama sēṣa sāradā bakhānā..

8.7.8

चौपाई
laṃkāpati kapīsa nala nīlā. jāmavaṃta aṃgada subhasīlā..
hanumadādi saba bānara bīrā. dharē manōhara manuja sarīrā..
bharata sanēha sīla brata nēmā. sādara saba baranahiṃ ati prēmā..
dēkhi nagarabāsinha kai rītī. sakala sarāhahi prabhu pada prītī..
puni raghupati saba sakhā bōlāē. muni pada lāgahu sakala sikhāē..
gura basiṣṭa kulapūjya hamārē. inha kī kṛpāom danuja rana mārē..
ē saba sakhā sunahu muni mērē. bhaē samara sāgara kahaom bērē..
mama hita lāgi janma inha hārē. bharatahu tē mōhi adhika piārē..

8.7.7

चौपाई
sāsunha sabani milī baidēhī. carananhi lāgi haraṣu ati tēhī..
dēhiṃ asīsa būjhi kusalātā. hōi acala tumhāra ahivātā..
saba raghupati mukha kamala bilōkahiṃ. maṃgala jāni nayana jala rōkahiṃ..
kanaka thāra ārati utārahiṃ. bāra bāra prabhu gāta nihārahiṃ..
nānā bhāomti nichāvari karahīṃ. paramānaṃda haraṣa ura bharahīṃ..
kausalyā puni puni raghubīrahi. citavati kṛpāsiṃdhu ranadhīrahi..
hṛdayaom bicārati bārahiṃ bārā. kavana bhāomti laṃkāpati mārā..

8.7.6

चौपाई
bharatānuja lachimana puni bhēṃṭē. dusaha biraha saṃbhava dukha mēṭē..
sītā carana bharata siru nāvā. anuja samēta parama sukha pāvā..
prabhu bilōki haraṣē purabāsī. janita biyōga bipati saba nāsī..
prēmātura saba lōga nihārī. kautuka kīnha kṛpāla kharārī..
amita rūpa pragaṭē tēhi kālā. jathājōga milē sabahi kṛpālā..
kṛpādṛṣṭi raghubīra bilōkī. kiē sakala nara nāri bisōkī..
chana mahiṃ sabahi milē bhagavānā. umā marama yaha kāhuom na jānā..
ēhi bidhi sabahi sukhī kari rāmā. āgēṃ calē sīla guna dhāmā..

8.7.5

चौपाई
āē bharata saṃga saba lōgā. kṛsa tana śrīraghubīra biyōgā..
bāmadēva basiṣṭha munināyaka. dēkhē prabhu mahi dhari dhanu sāyaka..
dhāi dharē gura carana sarōruha. anuja sahita ati pulaka tanōruha..
bhēṃṭi kusala būjhī munirāyā. hamarēṃ kusala tumhārihiṃ dāyā..
sakala dvijanha mili nāyau māthā. dharma dhuraṃdhara raghukulanāthā..
gahē bharata puni prabhu pada paṃkaja. namata jinhahi sura muni saṃkara aja..
parē bhūmi nahiṃ uṭhata uṭhāē. bara kari kṛpāsiṃdhu ura lāē..

8.7.4

चौपाई
ihāom bhānukula kamala divākara. kapinha dēkhāvata nagara manōhara..
sunu kapīsa aṃgada laṃkēsā. pāvana purī rucira yaha dēsā..
jadyapi saba baikuṃṭha bakhānā. bēda purāna bidita jagu jānā..
avadhapurī sama priya nahiṃ sōū. yaha prasaṃga jānai kōu kōū..
janmabhūmi mama purī suhāvani. uttara disi baha sarajū pāvani..
jā majjana tē binahiṃ prayāsā. mama samīpa nara pāvahiṃ bāsā..
ati priya mōhi ihāom kē bāsī. mama dhāmadā purī sukha rāsī..
haraṣē saba kapi suni prabhu bānī. dhanya avadha jō rāma bakhānī..

Ramcharitmanas

uttarakaanda