8.2.111

चौपाई
rāma saprēma pulaki ura lāvā. parama raṃka janu pārasu pāvā..
manahuom prēmu paramārathu dōū. milata dharē tana kaha sabu kōū..
bahuri lakhana pāyanha sōi lāgā. līnha uṭhāi umagi anurāgā..
puni siya carana dhūri dhari sīsā. janani jāni sisu dīnhi asīsā..
kīnha niṣāda daṃḍavata tēhī. milēu mudita lakhi rāma sanēhī..
piata nayana puṭa rūpu piyūṣā. mudita suasanu pāi jimi bhūkhā..
tē pitu mātu kahahu sakhi kaisē. jinha paṭhaē bana bālaka aisē..
rāma lakhana siya rūpu nihārī. hōhiṃ sanēha bikala nara nārī..

8.2.110

चौपाई
sunata tīravāsī nara nārī. dhāē nija nija kāja bisārī..
lakhana rāma siya sundaratāī. dēkhi karahiṃ nija bhāgya baḍaāī..
ati lālasā basahiṃ mana māhīṃ. nāuom gāuom būjhata sakucāhīṃ..
jē tinha mahuom bayabiridha sayānē. tinha kari juguti rāmu pahicānē..
sakala kathā tinha sabahi sunāī. banahi calē pitu āyasu pāī..
suni sabiṣāda sakala pachitāhīṃ. rānī rāyaom kīnha bhala nāhīṃ..
tēhi avasara ēka tāpasu āvā. tējapuṃja laghubayasa suhāvā..
kavi alakhita gati bēṣu birāgī. mana krama bacana rāma anurāgī..

8.2.109

चौपाई
rāma saprēma kahēu muni pāhīṃ. nātha kahia hama kēhi maga jāhīṃ..
muni mana bihasi rāma sana kahahīṃ. sugama sakala maga tumha kahuom ahahīṃ..
sātha lāgi muni siṣya bōlāē. suni mana mudita pacāsaka āē..
sabanhi rāma para prēma apārā. sakala kahahi magu dīkha hamārā..
muni baṭu cāri saṃga taba dīnhē. jinha bahu janama sukṛta saba kīnhē..
kari pranāmu riṣi āyasu pāī. pramudita hṛdayaom calē raghurāī..
grāma nikaṭa jaba nikasahi jāī. dēkhahi darasu nāri nara dhāī..

8.2.108

चौपाई
suni muni bacana rāmu sakucānē. bhāva bhagati ānaṃda aghānē..
taba raghubara muni sujasu suhāvā. kōṭi bhāomti kahi sabahi sunāvā..
sō baḍa sō saba guna gana gēhū. jēhi munīsa tumha ādara dēhū..
muni raghubīra parasapara navahīṃ. bacana agōcara sukhu anubhavahīṃ..
yaha sudhi pāi prayāga nivāsī. baṭu tāpasa muni siddha udāsī..
bharadvāja āśrama saba āē. dēkhana dasaratha suana suhāē..
rāma pranāma kīnha saba kāhū. mudita bhaē lahi lōyana lāhū..
dēhiṃ asīsa parama sukhu pāī. phirē sarāhata suṃdaratāī..

8.2.107

चौपाई
kusala prasna kari āsana dīnhē. pūji prēma paripūrana kīnhē..
kaṃda mūla phala aṃkura nīkē. diē āni muni manahuom amī kē..
sīya lakhana jana sahita suhāē. ati ruci rāma mūla phala khāē..
bhaē bigataśrama rāmu sukhārē. bharavdāja mṛdu bacana ucārē..
āju suphala tapu tīratha tyāgū. āju suphala japa jōga birāgū..
saphala sakala subha sādhana sājū. rāma tumhahi avalōkata ājū..
lābha avadhi sukha avadhi na dūjī. tumhārēṃ darasa āsa saba pūjī..
aba kari kṛpā dēhu bara ēhū. nija pada sarasija sahaja sanēhū..

8.2.106

चौपाई
kō kahi sakai prayāga prabhāū. kaluṣa puṃja kuṃjara mṛgarāū..
asa tīrathapati dēkhi suhāvā. sukha sāgara raghubara sukhu pāvā..
kahi siya lakhanahi sakhahi sunāī. śrīmukha tīratharāja baḍaāī..
kari pranāmu dēkhata bana bāgā. kahata mahātama ati anurāgā..
ēhi bidhi āi bilōkī bēnī. sumirata sakala sumaṃgala dēnī..
mudita nahāi kīnhi siva sēvā. puji jathābidhi tīratha dēvā..
taba prabhu bharadvāja pahiṃ āē. karata daṃḍavata muni ura lāē..
muni mana mōda na kachu kahi jāi. brahmānaṃda rāsi janu pāī..

8.2.105

चौपाई
tēhi dina bhayau biṭapa tara bāsū. lakhana sakhāom saba kīnha supāsū..
prāta prātakṛta kari radhusāī. tīratharāju dīkha prabhu jāī..
saciva satya śradhdā priya nārī. mādhava sarisa mītu hitakārī..
cāri padāratha bharā bhaomḍāru. punya pradēsa dēsa ati cāru..
chētra agama gaḍhau gāḍha suhāvā. sapanēhuom nahiṃ pratipacchinha pāvā..
sēna sakala tīratha bara bīrā. kaluṣa anīka dalana ranadhīrā..
saṃgamu siṃhāsanu suṭhi sōhā. chatru akhayabaṭu muni manu mōhā..

8.2.104

चौपाई
gaṃga bacana suni maṃgala mūlā. mudita sīya surasari anukulā..
taba prabhu guhahi kahēu ghara jāhū. sunata sūkha mukhu bhā ura dāhū..
dīna bacana guha kaha kara jōrī. binaya sunahu raghukulamani mōrī..
nātha sātha rahi paṃthu dēkhāī. kari dina cāri carana sēvakāī..
jēhiṃ bana jāi rahaba raghurāī. paranakuṭī maiṃ karabi suhāī..
taba mōhi kahaom jasi dēba rajāī. sōi karihauom raghubīra dōhāī..
sahaja sanēha rāma lakhi tāsu. saṃga līnha guha hṛdaya hulāsū..

8.2.103

चौपाई
taba majjanu kari raghukulanāthā. pūji pārathiva nāyau māthā..
siyaom surasarihi kahēu kara jōrī. mātu manōratha puraubi mōrī..
pati dēvara saṃga kusala bahōrī. āi karauṃ jēhiṃ pūjā tōrī..
suni siya binaya prēma rasa sānī. bhai taba bimala bāri bara bānī..
sunu raghubīra priyā baidēhī. tava prabhāu jaga bidita na kēhī..
lōkapa hōhiṃ bilōkata tōrēṃ. tōhi sēvahiṃ saba sidhi kara jōrēṃ..
tumha jō hamahi baḍai binaya sunāī. kṛpā kīnhi mōhi dīnhi baḍaāī..

8.2.102

चौपाई
utari ṭhāḍa bhaē surasari rētā. sīyarāma guha lakhana samētā..
kēvaṭa utari daṃḍavata kīnhā. prabhuhi sakuca ēhi nahiṃ kachu dīnhā..
piya hiya kī siya jānanihārī. mani mudarī mana mudita utārī..
kahēu kṛpāla lēhi utarāī. kēvaṭa carana gahē akulāī..
nātha āju maiṃ kāha na pāvā. miṭē dōṣa dukha dārida dāvā..
bahuta kāla maiṃ kīnhi majūrī. āju dīnha bidhi bani bhali bhūrī..
aba kachu nātha na cāhia mōrēṃ. dīnadayāla anugraha tōrēṃ..
phiratī bāra mōhi jē dēbā. sō prasādu maiṃ sira dhari lēbā..

Ramcharitmanas

ayodhyakaanda