8.2.21

चौपाई
naihara janamu bharaba baru jāi. jiata na karabi savati sēvakāī..
ari basa daiu jiāvata jāhī. maranu nīka tēhi jīvana cāhī..
dīna bacana kaha bahubidhi rānī. suni kubarīṃ tiyamāyā ṭhānī..
asa kasa kahahu māni mana ūnā. sukhu sōhāgu tumha kahuom dina dūnā..
jēhiṃ rāura ati anabhala tākā. sōi pāihi yahu phalu paripākā..
jaba tēṃ kumata sunā maiṃ svāmini. bhūkha na bāsara nīṃda na jāmini..
pūomchēu guninha rēkha tinha khāomcī. bharata bhuāla hōhiṃ yaha sāomcī..

8.2.20

चौपाई
kaikayasutā sunata kaṭu bānī. kahi na sakai kachu sahami sukhānī..
tana pasēu kadalī jimi kāompī. kubarīṃ dasana jībha taba cāompī..
kahi kahi kōṭika kapaṭa kahānī. dhīraju dharahu prabōdhisi rānī..
phirā karamu priya lāgi kucālī. bakihi sarāhai māni marālī..
sunu maṃtharā bāta phuri tōrī. dahini āomkhi nita pharakai mōrī..
dina prati dēkhauom rāti kusapanē. kahauom na tōhi mōha basa apanē..
kāha karau sakhi sūdha subhāū. dāhina bāma na jānauom kāū..

8.2.19

चौपाई
bhāvī basa pratīti ura āī. pūomcha rāni puni sapatha dēvāī..
kā pūchahuom tumha abahuom na jānā. nija hita anahita pasu pahicānā..
bhayau pākhu dina sajata samājū. tumha pāī sudhi mōhi sana ājū..
khāia pahiria rāja tumhārēṃ. satya kahēṃ nahiṃ dōṣu hamārēṃ..
jauṃ asatya kachu kahaba banāī. tau bidhi dēihi hamahi sajāī..
rāmahi tilaka kāli jauṃ bhayaū. tumha kahuom bipati bīju bidhi bayaū..
rēkha khaomcāi kahauom balu bhāṣī. bhāmini bhaihu dūdha kai mākhī..

8.2.18

चौपाई
catura gaombhīra rāma mahatārī. bīcu pāi nija bāta saomvārī..
paṭhaē bharatu bhūpa naniaurēṃ. rāma mātu mata jānava raurēṃ..
sēvahiṃ sakala savati mōhi nīkēṃ. garabita bharata mātu bala pī kēṃ..
sālu tumhāra kausilahi māī. kapaṭa catura nahiṃ hōi janāī..
rājahi tumha para prēmu bisēṣī. savati subhāu sakai nahiṃ dēkhī..
racī praṃpacu bhūpahi apanāī. rāma tilaka hita lagana dharāī..
yaha kula ucita rāma kahuom ṭīkā. sabahi sōhāi mōhi suṭhi nīkā..
āgili bāta samujhi ḍaru mōhī. dēu daiu phiri sō phalu ōhī..

8.2.17

चौपाई
sādara puni puni pūomchati ōhī. sabarī gāna mṛgī janu mōhī..
tasi mati phirī ahai jasi bhābī. rahasī cēri ghāta janu phābī..
tumha pūomchahu maiṃ kahata ḍērāūom. dharēu mōra gharaphōrī nāūom..
saji pratīti bahubidhi gaḍhai chōlī. avadha sāḍhasātī taba bōlī..
priya siya rāmu kahā tumha rānī. rāmahi tumha priya sō phuri bānī..
rahā prathama aba tē dina bītē. samau phirēṃ ripu hōhiṃ piṃrītē..
bhānu kamala kula pōṣanihārā. binu jala jāri karai sōi chārā..

8.2.16

चौपाई
ēkahiṃ bāra āsa saba pūjī. aba kachu kahaba jībha kari dūjī..
phōrai jōgu kapāru abhāgā. bhalēu kahata dukha raurēhi lāgā..
kahahiṃ jhūṭhi phuri bāta banāī. tē priya tumhahi karui maiṃ māī..
hamahuom kahabi aba ṭhakurasōhātī. nāhiṃ ta mauna rahaba dinu rātī..
kari kurūpa bidhi parabasa kīnhā. bavā sō lunia lahia jō dīnhā..
kōu nṛpa hōu hamahi kā hānī. cēri chāḍai aba hōba ki rānī..
jārai jōgu subhāu hamārā. anabhala dēkhi na jāi tumhārā..
tātēṃ kachuka bāta anusārī. chamia dēbi baḍai cūka hamārī..

8.2.15

चौपाई
priyabādini sikha dīnhiuom tōhī. sapanēhuom tō para kōpu na mōhī..
sudinu sumaṃgala dāyaku sōī. tōra kahā phura jēhi dina hōī..
jēṭha svāmi sēvaka laghu bhāī. yaha dinakara kula rīti suhāī..
rāma tilaku jauṃ sāomcēhuom kālī. dēuom māgu mana bhāvata ālī..
kausalyā sama saba mahatārī. rāmahi sahaja subhāyaom piārī..
mō para karahiṃ sanēhu bisēṣī. maiṃ kari prīti parīchā dēkhī..
jauṃ bidhi janamu dēi kari chōhū. hōhuom rāma siya pūta putōhū..

8.2.14

चौपाई
kata sikha dēi hamahi kōu māī. gālu karaba kēhi kara balu pāī..
rāmahi chāḍai kusala kēhi ājū. jēhi janēsu dēi jubarājū..
bhayau kausilahi bidhi ati dāhina. dēkhata garaba rahata ura nāhina..
dēkhēhu kasa na jāi saba sōbhā. jō avalōki mōra manu chōbhā..
pūtu bidēsa na sōcu tumhārēṃ. jānati hahu basa nāhu hamārēṃ..
nīda bahuta priya sēja turāī. lakhahu na bhūpa kapaṭa caturāī..
suni priya bacana malina manu jānī. jhukī rāni aba rahu aragānī..

8.2.13

चौपाई
dīkha maṃtharā nagaru banāvā. maṃjula maṃgala bāja badhāvā..
pūchēsi lōganha kāha uchāhū. rāma tilaku suni bhā ura dāhū..
karai bicāru kubuddhi kujātī. hōi akāju kavani bidhi rātī..
dēkhi lāgi madhu kuṭila kirātī. jimi gavaom takai lēuom kēhi bhāomtī..
bharata mātu pahiṃ gai bilakhānī. kā anamani hasi kaha haomsi rānī..
ūtaru dēi na lēi usāsū. nāri carita kari ḍhārai āomsū..
haomsi kaha rāni gālu baḍa tōrēṃ. dīnha lakhana sikha asa mana mōrēṃ..

8.2.12

चौपाई
suni sura binaya ṭhāḍhai pachitātī. bhaiuom sarōja bipina himarātī..
dēkhi dēva puni kahahiṃ nihōrī. mātu tōhi nahiṃ thōriu khōrī..
bisamaya haraṣa rahita raghurāū. tumha jānahu saba rāma prabhāū..
jīva karama basa sukha dukha bhāgī. jāia avadha dēva hita lāgī..
bāra bāra gahi carana saomkōcau. calī bicāri bibudha mati pōcī..
ūomca nivāsu nīci karatūtī. dēkhi na sakahiṃ parāi bibhūtī..
āgila kāju bicāri bahōrī. karahahiṃ cāha kusala kabi mōrī..

Ramcharitmanas

ayodhyakaanda