8.2.179

चौपाई
kahauom sāomcu saba suni patiāhū. cāhia dharamasīla naranāhū..
mōhi rāju haṭhi dēihahu jabahīṃ. rasā rasātala jāihi tabahīṃ..
mōhi samāna kō pāpa nivāsū. jēhi lagi sīya rāma banabāsū..
rāyaom rāma kahuom kānanu dīnhā. bichurata gamanu amarapura kīnhā..
maiṃ saṭhu saba anaratha kara hētū. baiṭha bāta saba sunauom sacētū..
binu raghubīra bilōki abāsū. rahē prāna sahi jaga upahāsū..
rāma punīta biṣaya rasa rūkhē. lōlupa bhūmi bhōga kē bhūkhē..

8.2.178

चौपाई
hita hamāra siyapati sēvakāī. sō hari līnha mātu kuṭilāī..
maiṃ anumāni dīkha mana māhīṃ. āna upāyaom mōra hita nāhīṃ..
sōka samāju rāju kēhi lēkhēṃ. lakhana rāma siya binu pada dēkhēṃ..
bādi basana binu bhūṣana bhārū. bādi birati binu brahma bicārū..
saruja sarīra bādi bahu bhōgā. binu haribhagati jāyaom japa jōgā..
jāyaom jīva binu dēha suhāī. bādi mōra sabu binu raghurāī..
jāuom rāma pahiṃ āyasu dēhū. ēkahiṃ āomka mōra hita ēhū..
mōhi nṛpa kari bhala āpana cahahū. sōu sanēha jaḍatā basa kahahū..

8.2.177

चौपाई
mōhi upadēsu dīnha gura nīkā. prajā saciva saṃmata sabahī kā..
mātu ucita dhari āyasu dīnhā. avasi sīsa dhari cāhauom kīnhā..
gura pitu mātu svāmi hita bānī. suni mana mudita karia bhali jānī..
ucita ki anucita kiēom bicārū. dharamu jāi sira pātaka bhārū..
tumha tau dēhu sarala sikha sōī. jō ācarata mōra bhala hōī..
jadyapi yaha samujhata hauom nīkēṃ. tadapi hōta paritōṣu na jī kēṃ..
aba tumha binaya mōri suni lēhū. mōhi anuharata sikhāvanu dēhū..

8.2.176

चौपाई
kausalyā dhari dhīraju kahaī. pūta pathya gura āyasu ahaī..
sō ādaria karia hita mānī. tajia biṣādu kāla gati jānī..
bana raghupati surapati naranāhū. tumha ēhi bhāomti tāta kadarāhū..
parijana prajā saciva saba aṃbā. tumhahī suta saba kahaom avalaṃbā..
lakhi bidhi bāma kālu kaṭhināī. dhīraju dharahu mātu bali jāī..
sira dhari gura āyasu anusarahū. prajā pāli parijana dukhu harahū..
gura kē bacana saciva abhinaṃdanu. sunē bharata hiya hita janu caṃdanu..

8.2.175

चौपाई
avasi narēsa bacana phura karahū. pālahu prajā sōku pariharahū..
surapura nṛpa pāihi paritōṣū. tumha kahuom sukṛta sujasu nahiṃ dōṣū..
bēda bidita saṃmata sabahī kā. jēhi pitu dēi sō pāvai ṭīkā..
karahu rāju pariharahu galānī. mānahu mōra bacana hita jānī..
suni sukhu lahaba rāma baidēhīṃ. anucita kahaba na paṃḍita kēhīṃ..
kausalyādi sakala mahatārīṃ. tēu prajā sukha hōhiṃ sukhārīṃ..
parama tumhāra rāma kara jānihi. sō saba bidhi tumha sana bhala mānihi..

8.2.174

चौपाई
saba prakāra bhūpati baḍabhāgī. bādi biṣādu karia tēhi lāgī..
yahu suni samujhi sōcu pariharahū. sira dhari rāja rajāyasu karahū..
rāomya rājapadu tumha kahuom dīnhā. pitā bacanu phura cāhia kīnhā..
tajē rāmu jēhiṃ bacanahi lāgī. tanu pariharēu rāma birahāgī..
nṛpahi bacana priya nahiṃ priya prānā. karahu tāta pitu bacana pravānā..
karahu sīsa dhari bhūpa rajāī. hai tumha kahaom saba bhāomti bhalāī..
parasurāma pitu agyā rākhī. mārī mātu lōka saba sākhī..

8.2.173

चौपाई
baikhānasa sōi sōcai jōgu. tapu bihāi jēhi bhāvai bhōgū..
sōcia pisuna akārana krōdhī. janani janaka gura baṃdhu birōdhī..
saba bidhi sōcia para apakārī. nija tanu pōṣaka niradaya bhārī..
sōcanīya sabahi bidhi sōī. jō na chāḍai chalu hari jana hōī..
sōcanīya nahiṃ kōsalarāū. bhuvana cāridasa pragaṭa prabhāū..
bhayau na ahai na aba hōnihārā. bhūpa bharata jasa pitā tumhārā..
bidhi hari haru surapati disināthā. baranahiṃ saba dasaratha guna gāthā..

8.2.172

चौपाई
asa bicāri kēhi dēia dōsū. byaratha kāhi para kījia rōsū..
tāta bicāru kēhi karahu mana māhīṃ. sōca jōgu dasarathu nṛpu nāhīṃ..
sōcia bipra jō bēda bihīnā. taji nija dharamu biṣaya layalīnā..
sōcia nṛpati jō nīti na jānā. jēhi na prajā priya prāna samānā..
sōcia bayasu kṛpana dhanavānū. jō na atithi siva bhagati sujānū..
sōcia sūdru bipra avamānī. mukhara mānapriya gyāna gumānī..
sōcia puni pati baṃcaka nārī. kuṭila kalahapriya icchācārī..
sōcia baṭu nija bratu pariharaī. jō nahiṃ gura āyasu anusaraī..

8.2.171

चौपाई
pitu hita bharata kīnhi jasi karanī. sō mukha lākha jāi nahiṃ baranī..
sudinu sōdhi munibara taba āē. saciva mahājana sakala bōlāē..
baiṭhē rājasabhāom saba jāī. paṭhaē bōli bharata dōu bhāī..
bharatu basiṣṭha nikaṭa baiṭhārē. nīti dharamamaya bacana ucārē..
prathama kathā saba munibara baranī. kaikai kuṭila kīnhi jasi karanī..
bhūpa dharamabratu satya sarāhā. jēhiṃ tanu parihari prēmu nibāhā..
kahata rāma guna sīla subhāū. sajala nayana pulakēu munirāū..

8.2.170

चौपाई
nṛpatanu bēda bidita anhavāvā. parama bicitra bimānu banāvā..
gahi pada bharata mātu saba rākhī. rahīṃ rāni darasana abhilāṣī..
caṃdana agara bhāra bahu āē. amita anēka sugaṃdha suhāē..
saraju tīra raci citā banāī. janu surapura sōpāna suhāī..
ēhi bidhi dāha kriyā saba kīnhī. bidhivata nhāi tilāṃjuli dīnhī..
sōdhi sumṛti saba bēda purānā. kīnha bharata dasagāta bidhānā..
jahaom jasa munibara āyasu dīnhā. tahaom tasa sahasa bhāomti sabu kīnhā..
bhaē bisuddha diē saba dānā. dhēnu bāji gaja bāhana nānā..

Ramcharitmanas

roman