8.2.119

चौपाई
phirata nāri nara ati pachitāhīṃ. dēahi dōṣu dēhiṃ mana māhīṃ..
sahita biṣāda parasapara kahahīṃ. bidhi karataba ulaṭē saba ahahīṃ..
nipaṭa niraṃkusa niṭhura nisaṃkū. jēhiṃ sasi kīnha saruja sakalaṃkū..
rūkha kalapataru sāgaru khārā. tēhiṃ paṭhaē bana rājakumārā..
jauṃ pē inhahi dīnha banabāsū. kīnha bādi bidhi bhōga bilāsū..
ē bicarahiṃ maga binu padatrānā. racē bādi bidhi bāhana nānā..
ē mahi parahiṃ ḍāsi kusa pātā. subhaga sēja kata sṛjata bidhātā..

8.2.118

चौपाई
pārabatī sama patipriya hōhū. dēbi na hama para chāḍaba chōhū..
puni puni binaya karia kara jōrī. jauṃ ēhi māraga phiria bahōrī..
darasanu dēba jāni nija dāsī. lakhīṃ sīyaom saba prēma piāsī..
madhura bacana kahi kahi paritōṣīṃ. janu kumudinīṃ kaumudīṃ pōṣīṃ..
tabahiṃ lakhana raghubara rukha jānī. pūomchēu magu lōganhi mṛdu bānī..
sunata nāri nara bhaē dukhārī. pulakita gāta bilōcana bārī..
miṭā mōdu mana bhaē malīnē. bidhi nidhi dīnha lēta janu chīnē..

8.2.117

चौपाई
kōṭi manōja lajāvanihārē. sumukhi kahahu kō āhiṃ tumhārē..
suni sanēhamaya maṃjula bānī. sakucī siya mana mahuom musukānī..
tinhahi bilōki bilōkati dharanī. duhuom sakōca sakucita barabaranī..
sakuci saprēma bāla mṛga nayanī. bōlī madhura bacana pikabayanī..
sahaja subhāya subhaga tana gōrē. nāmu lakhanu laghu dēvara mōrē..
bahuri badanu bidhu aṃcala ḍhāomkī. piya tana citai bhauṃha kari bāomkī..
khaṃjana maṃju tirīchē nayanani. nija pati kahēu tinhahi siyaom sayanani..

8.2.116

चौपाई
barani na jāi manōhara jōrī. sōbhā bahuta thōri mati mōrī..
rāma lakhana siya suṃdaratāī. saba citavahiṃ cita mana mati lāī..
thakē nāri nara prēma piāsē. manahuom mṛgī mṛga dēkhi diā sē..
sīya samīpa grāmatiya jāhīṃ. pūomchata ati sanēhaom sakucāhīṃ..
bāra bāra saba lāgahiṃ pāēom. kahahiṃ bacana mṛdu sarala subhāēom..
rājakumāri binaya hama karahīṃ. tiya subhāyaom kachu pūomchata ḍarahīṃ.
svāmini abinaya chamabi hamārī. bilagu na mānaba jāni gavāomrī..

8.2.115

चौपाई
ēka kalasa bhari ānahiṃ pānī. aomcaia nātha kahahiṃ mṛdu bānī..
suni priya bacana prīti ati dēkhī. rāma kṛpāla susīla bisēṣī..
jānī śramita sīya mana māhīṃ. gharika bilaṃbu kīnha baṭa chāhīṃ..
mudita nāri nara dēkhahiṃ sōbhā. rūpa anūpa nayana manu lōbhā..
ēkaṭaka saba sōhahiṃ cahuom ōrā. rāmacaṃdra mukha caṃda cakōrā..
taruna tamāla barana tanu sōhā. dēkhata kōṭi madana manu mōhā..
dāmini barana lakhana suṭhi nīkē. nakha sikha subhaga bhāvatē jī kē..

8.2.114

चौपाई
sītā lakhana sahita raghurāī. gāomva nikaṭa jaba nikasahiṃ jāī..
suni saba bāla bṛddha nara nārī. calahiṃ turata gṛhakāju bisārī..
rāma lakhana siya rūpa nihārī. pāi nayanaphalu hōhiṃ sukhārī..
sajala bilōcana pulaka sarīrā. saba bhaē magana dēkhi dōu bīrā..
barani na jāi dasā tinha kērī. lahi janu raṃkanha suramani ḍhērī..
ēkanha ēka bōli sikha dēhīṃ. lōcana lāhu lēhu chana ēhīṃ..
rāmahi dēkhi ēka anurāgē. citavata calē jāhiṃ saomga lāgē..
ēka nayana maga chabi ura ānī. hōhiṃ sithila tana mana bara bānī..

8.2.113

चौपाई
jē pura gāomva basahiṃ maga māhīṃ. tinhahi nāga sura nagara sihāhīṃ..
kēhi sukṛtīṃ kēhi gharīṃ basāē. dhanya punyamaya parama suhāē..
jahaom jahaom rāma carana cali jāhīṃ. tinha samāna amarāvati nāhīṃ..
punyapuṃja maga nikaṭa nivāsī. tinhahi sarāhahiṃ surapurabāsī..
jē bhari nayana bilōkahiṃ rāmahi. sītā lakhana sahita ghanasyāmahi..
jē sara sarita rāma avagāhahiṃ. tinhahi dēva sara sarita sarāhahiṃ..
jēhi taru tara prabhu baiṭhahiṃ jāī. karahiṃ kalapataru tāsu baḍaāī..

8.2.112

चौपाई
puni siyaom rāma lakhana kara jōrī. jamunahi kīnha pranāmu bahōrī..
calē sasīya mudita dōu bhāī. rabitanujā kai karata baḍaāī..
pathika anēka milahiṃ maga jātā. kahahiṃ saprēma dēkhi dōu bhrātā..
rāja lakhana saba aṃga tumhārēṃ. dēkhi sōcu ati hṛdaya hamārēṃ..
māraga calahu payādēhi pāēom. jyōtiṣu jhūṭha hamārēṃ bhāēom..
agamu paṃtha giri kānana bhārī. tēhi mahaom sātha nāri sukumārī..
kari kēhari bana jāi na jōī. hama saomga calahi jō āyasu hōī..

8.2.111

चौपाई
rāma saprēma pulaki ura lāvā. parama raṃka janu pārasu pāvā..
manahuom prēmu paramārathu dōū. milata dharē tana kaha sabu kōū..
bahuri lakhana pāyanha sōi lāgā. līnha uṭhāi umagi anurāgā..
puni siya carana dhūri dhari sīsā. janani jāni sisu dīnhi asīsā..
kīnha niṣāda daṃḍavata tēhī. milēu mudita lakhi rāma sanēhī..
piata nayana puṭa rūpu piyūṣā. mudita suasanu pāi jimi bhūkhā..
tē pitu mātu kahahu sakhi kaisē. jinha paṭhaē bana bālaka aisē..
rāma lakhana siya rūpu nihārī. hōhiṃ sanēha bikala nara nārī..

8.2.110

चौपाई
sunata tīravāsī nara nārī. dhāē nija nija kāja bisārī..
lakhana rāma siya sundaratāī. dēkhi karahiṃ nija bhāgya baḍaāī..
ati lālasā basahiṃ mana māhīṃ. nāuom gāuom būjhata sakucāhīṃ..
jē tinha mahuom bayabiridha sayānē. tinha kari juguti rāmu pahicānē..
sakala kathā tinha sabahi sunāī. banahi calē pitu āyasu pāī..
suni sabiṣāda sakala pachitāhīṃ. rānī rāyaom kīnha bhala nāhīṃ..
tēhi avasara ēka tāpasu āvā. tējapuṃja laghubayasa suhāvā..
kavi alakhita gati bēṣu birāgī. mana krama bacana rāma anurāgī..

Ramcharitmanas

roman