8.2.141

चौपाई
sīya lakhana jēhi bidhi sukhu lahahīṃ. sōi raghunātha karahi sōi kahahīṃ..
kahahiṃ purātana kathā kahānī. sunahiṃ lakhanu siya ati sukhu mānī.
jaba jaba rāmu avadha sudhi karahīṃ. taba taba bāri bilōcana bharahīṃ..
sumiri mātu pitu parijana bhāī. bharata sanēhu sīlu sēvakāī..
kṛpāsiṃdhu prabhu hōhiṃ dukhārī. dhīraju dharahiṃ kusamau bicārī..
lakhi siya lakhanu bikala hōi jāhīṃ. jimi puruṣahi anusara parichāhīṃ..
priyā baṃdhu gati lakhi raghunaṃdanu. dhīra kṛpāla bhagata ura caṃdanu..

8.2.140

चौपाई
rāma saṃga siya rahati sukhārī. pura parijana gṛha surati bisārī..
chinu chinu piya bidhu badanu nihārī. pramudita manahuom cakōrakumārī..
nāha nēhu nita baḍhata bilōkī. haraṣita rahati divasa jimi kōkī..
siya manu rāma carana anurāgā. avadha sahasa sama banu priya lāgā..
paranakuṭī priya priyatama saṃgā. priya parivāru kuraṃga bihaṃgā..
sāsu sasura sama munitiya munibara. asanu amia sama kaṃda mūla phara..
nātha sātha sāomtharī suhāī. mayana sayana saya sama sukhadāī..

8.2.139

चौपाई
nayanavaṃta raghubarahi bilōkī. pāi janama phala hōhiṃ bisōkī..
parasi carana raja acara sukhārī. bhaē parama pada kē adhikārī..
sō banu sailu subhāyaom suhāvana. maṃgalamaya ati pāvana pāvana..
mahimā kahia kavani bidhi tāsū. sukhasāgara jahaom kīnha nivāsū..
paya payōdhi taji avadha bihāī. jahaom siya lakhanu rāmu rahē āī..
kahi na sakahiṃ suṣamā jasi kānana. jauṃ sata sahasa hōṃhiṃ sahasānana..
sō maiṃ barani kahauṃ bidhi kēhīṃ. ḍābara kamaṭha ki maṃdara lēhīṃ..

8.2.138

चौपाई
kēri kēhari kapi kōla kuraṃgā. bigatabaira bicarahiṃ saba saṃgā..
phirata ahēra rāma chabi dēkhī. hōhiṃ mudita mṛgabaṃda bisēṣī..
bibudha bipina jahaom lagi jaga māhīṃ. dēkhi rāma banu sakala sihāhīṃ..
surasari sarasai dinakara kanyā. mēkalasutā gōdāvari dhanyā..
saba sara siṃdhu nadī nada nānā. maṃdākini kara karahiṃ bakhānā..
udaya asta giri aru kailāsū. maṃdara mēru sakala surabāsū..
saila himācala ādika jētē. citrakūṭa jasu gāvahiṃ tētē..
biṃdhi mudita mana sukhu na samāī. śrama binu bipula baḍaāī pāī..

8.2.137

चौपाई
rāmahi kēvala prēmu piārā. jāni lēu jō jānanihārā..
rāma sakala banacara taba tōṣē. kahi mṛdu bacana prēma paripōṣē..
bidā kiē sira nāi sidhāē. prabhu guna kahata sunata ghara āē..
ēhi bidhi siya samēta dōu bhāī. basahiṃ bipina sura muni sukhadāī..
jaba tē āi rahē raghunāyaku. taba tēṃ bhayau banu maṃgaladāyaku..
phūlahiṃ phalahiṃ biṭapa bidhi nānā..maṃju balita bara bēli bitānā..
surataru sarisa subhāyaom suhāē. manahuom bibudha bana parihari āē..

8.2.136

चौपाई
dhanya bhūmi bana paṃtha pahārā. jahaom jahaom nātha pāu tumha dhārā..
dhanya bihaga mṛga kānanacārī. saphala janama bhaē tumhahi nihārī..
hama saba dhanya sahita parivārā. dīkha darasu bhari nayana tumhārā..
kīnha bāsu bhala ṭhāuom bicārī. ihāom sakala ritu rahaba sukhārī..
hama saba bhāomti karaba sēvakāī. kari kēhari ahi bāgha barāī..
bana bēhaḍa giri kaṃdara khōhā. saba hamāra prabhu paga paga jōhā..
tahaom tahaom tumhahi ahēra khēlāuba. sara nirajhara jalaṭhāuom dēkhāuba..

8.2.135

चौपाई
yaha sudhi kōla kirātanha pāī. haraṣē janu nava nidhi ghara āī..
kaṃda mūla phala bhari bhari dōnā. calē raṃka janu lūṭana sōnā..
tinha mahaom jinha dēkhē dōu bhrātā. apara tinhahi pūomchahi magu jātā..
kahata sunata raghubīra nikāī. āi sabanhi dēkhē raghurāī..
karahiṃ jōhāru bhēṃṭa dhari āgē. prabhuhi bilōkahiṃ ati anurāgē..
citra likhē janu jahaom tahaom ṭhāḍhaē. pulaka sarīra nayana jala bāḍhaē..
rāma sanēha magana saba jānē. kahi priya bacana sakala sanamānē..

8.2.134

चौपाई
amara nāga kiṃnara disipālā. citrakūṭa āē tēhi kālā..
rāma pranāmu kīnha saba kāhū. mudita dēva lahi lōcana lāhū..
baraṣi sumana kaha dēva samājū. nātha sanātha bhaē hama ājū..
kari binatī dukha dusaha sunāē. haraṣita nija nija sadana sidhāē..
citrakūṭa raghunaṃdanu chāē. samācāra suni suni muni āē..
āvata dēkhi mudita munibṛṃdā. kīnha daṃḍavata raghukula caṃdā..
muni raghubarahi lāi ura lēhīṃ. suphala hōna hita āsiṣa dēhīṃ..
siya saumitra rāma chabi dēkhahiṃ. sādhana sakala saphala kari lēkhahiṃ..

8.2.133

चौपाई
raghubara kahēu lakhana bhala ghāṭū. karahu katahuom aba ṭhāhara ṭhāṭū..
lakhana dīkha paya utara karārā. cahuom disi phirēu dhanuṣa jimi nārā..
nadī panaca sara sama dama dānā. sakala kaluṣa kali sāuja nānā..
citrakūṭa janu acala ahērī. cukai na ghāta māra muṭhabhērī..
asa kahi lakhana ṭhāuom dēkharāvā. thalu bilōki raghubara sukhu pāvā..
ramēu rāma manu dēvanha jānā. calē sahita sura thapati pradhānā..
kōla kirāta bēṣa saba āē. racē parana tṛna sadana suhāē..

8.2.132

चौपाई
ēhi bidhi munibara bhavana dēkhāē. bacana saprēma rāma mana bhāē..
kaha muni sunahu bhānukulanāyaka. āśrama kahauom samaya sukhadāyaka..
citrakūṭa giri karahu nivāsū. tahaom tumhāra saba bhāomti supāsū..
sailu suhāvana kānana cārū. kari kēhari mṛga bihaga bihārū..
nadī punīta purāna bakhānī. atripriyā nija tapabala ānī..
surasari dhāra nāuom maṃdākini. jō saba pātaka pōtaka ḍākini..
atri ādi munibara bahu basahīṃ. karahiṃ jōga japa tapa tana kasahīṃ..

Ramcharitmanas

ayodhyakaanda