8.7.83

चौपाई
dēkhi carita yaha sō prabhutāī. samujhata dēha dasā bisarāī..
dharani parēuom mukha āva na bātā. trāhi trāhi ārata jana trātā..
prēmākula prabhu mōhi bilōkī. nija māyā prabhutā taba rōkī..
kara sarōja prabhu mama sira dharēū. dīnadayāla sakala dukha harēū..
kīnha rāma mōhi bigata bimōhā. sēvaka sukhada kṛpā saṃdōhā..
prabhutā prathama bicāri bicārī. mana mahaom hōi haraṣa ati bhārī..
bhagata bachalatā prabhu kai dēkhī. upajī mama ura prīti bisēṣī..

8.7.82

चौपाई
bhramata mōhi brahmāṃḍa anēkā. bītē manahuom kalpa sata ēkā..
phirata phirata nija āśrama āyauom. tahaom puni rahi kachu kāla gavāomyauom..
nija prabhu janma avadha suni pāyauom. nirbhara prēma haraṣi uṭhi dhāyauom..
dēkhauom janma mahōtsava jāī. jēhi bidhi prathama kahā maiṃ gāī..
rāma udara dēkhēuom jaga nānā. dēkhata banai na jāi bakhānā..
tahaom puni dēkhēuom rāma sujānā. māyā pati kṛpāla bhagavānā..
karauom bicāra bahōri bahōrī. mōha kalila byāpita mati mōrī..

8.7.81

चौपाई
lōka lōka prati bhinna bidhātā. bhinna biṣnu siva manu disitrātā..
nara gaṃdharba bhūta bētālā. kiṃnara nisicara pasu khaga byālā..
dēva danuja gana nānā jātī. sakala jīva tahaom ānahi bhāomtī..
mahi sari sāgara sara giri nānā. saba prapaṃca tahaom ānai ānā..
aṃḍakōsa prati prati nija rupā. dēkhēuom jinasa anēka anūpā..
avadhapurī prati bhuvana ninārī. sarajū bhinna bhinna nara nārī..
dasaratha kausalyā sunu tātā. bibidha rūpa bharatādika bhrātā..
prati brahmāṃḍa rāma avatārā. dēkhauom bālabinōda apārā..

8.7.80

चौपाई
mūdēuom nayana trasita jaba bhayauom. puni citavata kōsalapura gayaūom..
mōhi bilōki rāma musukāhīṃ. bihaomsata turata gayauom mukha māhīṃ..
udara mājha sunu aṃḍaja rāyā. dēkhēuom bahu brahmāṃḍa nikāyā..
ati bicitra tahaom lōka anēkā. racanā adhika ēka tē ēkā..
kōṭinha caturānana gaurīsā. aganita uḍagana rabi rajanīsā..
aganita lōkapāla jama kālā. aganita bhūdhara bhūmi bisālā..
sāgara sari sara bipina apārā. nānā bhāomti sṛṣṭi bistārā..
sura muni siddha nāga nara kiṃnara. cāri prakāra jīva sacarācara..

8.7.79

चौपाई
aisēhiṃ hari binu bhajana khagēsā. miṭai na jīvanha kēra kalēsā..
hari sēvakahi na byāpa abidyā. prabhu prērita byāpai tēhi bidyā..
tātē nāsa na hōi dāsa kara. bhēda bhagati bhāḍhai bihaṃgabara..
bhrama tē cakita rāma mōhi dēkhā. bihaomsē sō sunu carita bisēṣā..
tēhi kautuka kara maramu na kāhūom. jānā anuja na mātu pitāhūom..
jānu pāni dhāē mōhi dharanā. syāmala gāta aruna kara caranā..
taba maiṃ bhāgi calēuom uragāmī. rāma gahana kahaom bhujā pasārī..

8.7.78

चौपाई
ētanā mana ānata khagarāyā. raghupati prērita byāpī māyā..
sō māyā na dukhada mōhi kāhīṃ. āna jīva iva saṃsṛta nāhīṃ..
nātha ihāom kachu kārana ānā. sunahu sō sāvadhāna harijānā..
gyāna akhaṃḍa ēka sītābara. māyā basya jīva sacarācara..
jauṃ saba kēṃ raha gyāna ēkarasa. īsvara jīvahi bhēda kahahu kasa..
māyā basya jīva abhimānī. īsa basya māyā gunakhānī..
parabasa jīva svabasa bhagavaṃtā. jīva anēka ēka śrīkaṃtā..
mudhā bhēda jadyapi kṛta māyā. binu hari jāi na kōṭi upāyā..

8.7.77

चौपाई
aruna pāni nakha karaja manōhara. bāhu bisāla bibhūṣana suṃdara..
kaṃdha bāla kēhari dara grīvā. cāru cibuka ānana chabi sīṃvā..
kalabala bacana adhara arunārē. dui dui dasana bisada bara bārē..
lalita kapōla manōhara nāsā. sakala sukhada sasi kara sama hāsā..
nīla kaṃja lōcana bhava mōcana. bhrājata bhāla tilaka gōrōcana..
bikaṭa bhṛkuṭi sama śravana suhāē. kuṃcita kaca mēcaka chabi chāē..
pīta jhīni jhagulī tana sōhī. kilakani citavani bhāvati mōhī..

8.7.76

चौपाई
kahai bhasuṃḍa sunahu khaganāyaka. rāmacarita sēvaka sukhadāyaka..
nṛpamaṃdira suṃdara saba bhāomtī. khacita kanaka mani nānā jātī..
barani na jāi rucira aomganāī. jahaom khēlahiṃ nita cāriu bhāī..
bālabinōda karata raghurāī. bicarata ajira janani sukhadāī..
marakata mṛdula kalēvara syāmā. aṃga aṃga prati chabi bahu kāmā..
nava rājīva aruna mṛdu caranā. padaja rucira nakha sasi duti haranā..
lalita aṃka kulisādika cārī. nūpura cārū madhura ravakārī..

8.7.75

चौपाई
rāma kṛpā āpani jaḍatāī. kahauom khagēsa sunahu mana lāī..
jaba jaba rāma manuja tanu dharahīṃ. bhakta hētu līla bahu karahīṃ..
taba taba avadhapurī maiṃ jaāūom. bālacarita bilōki haraṣāūom..
janma mahōtsava dēkhauom jāī. baraṣa pāomca tahaom rahauom lōbhāī..
iṣṭadēva mama bālaka rāmā. sōbhā bapuṣa kōṭi sata kāmā..
nija prabhu badana nihāri nihārī. lōcana suphala karauom uragārī..
laghu bāyasa bapu dhari hari saṃgā. dēkhauom bālacarita bahuraṃgā..

8.7.74

चौपाई
sunu khagēsa raghupati prabhutāī. kahauom jathāmati kathā suhāī..
jēhi bidhi mōha bhayau prabhu mōhī. sōu saba kathā sunāvauom tōhī..
rāma kṛpā bhājana tumha tātā. hari guna prīti mōhi sukhadātā..
tātē nahiṃ kachu tumhahiṃ durāvauom. parama rahasya manōhara gāvauom..
sunahu rāma kara sahaja subhāū. jana abhimāna na rākhahiṃ kāū..
saṃsṛta mūla sūlaprada nānā. sakala sōka dāyaka abhimānā..
tātē karahiṃ kṛpānidhi dūrī. sēvaka para mamatā ati bhūrī..
jimi sisu tana brana hōi gōsāī. mātu cirāva kaṭhina kī nāīṃ..

Ramcharitmanas

uttarakaanda