8.2.219

चौपाई
sunu surēsa upadēsu hamārā. rāmahi sēvaku parama piārā..
mānata sukhu sēvaka sēvakāī. sēvaka baira bairu adhikāī..
jadyapi sama nahiṃ rāga na rōṣū. gahahiṃ na pāpa pūnu guna dōṣū..
karama pradhāna bisva kari rākhā. jō jasa karai sō tasa phalu cākhā..
tadapi karahiṃ sama biṣama bihārā. bhagata abhagata hṛdaya anusārā..
aguna alēpa amāna ēkarasa. rāmu saguna bhaē bhagata pēma basa..
rāma sadā sēvaka ruci rākhī. bēda purāna sādhu sura sākhī..
asa jiyaom jāni tajahu kuṭilāī. karahu bharata pada prīti suhāī..

8.2.218

चौपाई
bacana sunata suraguru musakānē. sahasanayana binu lōcana jānē..
māyāpati sēvaka sana māyā. karai ta ulaṭi parai surarāyā..
taba kichu kīnha rāma rukha jānī. aba kucāli kari hōihi hānī..
sunu surēsa raghunātha subhāū. nija aparādha risāhiṃ na kāū..
jō aparādhu bhagata kara karaī. rāma rōṣa pāvaka sō jaraī..
lōkahuom bēda bidita itihāsā. yaha mahimā jānahiṃ durabāsā..
bharata sarisa kō rāma sanēhī. jagu japa rāma rāmu japa jēhī..

8.2.217

चौपाई
jaḍa cētana maga jīva ghanērē. jē citaē prabhu jinha prabhu hērē..
tē saba bhaē parama pada jōgū. bharata darasa mēṭā bhava rōgū..
yaha baḍai bāta bharata kai nāhīṃ. sumirata jinahi rāmu mana māhīṃ..
bāraka rāma kahata jaga jēū. hōta tarana tārana nara tēū..
bharatu rāma priya puni laghu bhrātā. kasa na hōi magu maṃgaladātā..
siddha sādhu munibara asa kahahīṃ. bharatahi nirakhi haraṣu hiyaom lahahīṃ..
dēkhi prabhāu surēsahi sōcū. jagu bhala bhalēhi pōca kahuom pōcū..

8.2.216

चौपाई
kīnha nimajjanu tīratharājā. nāi munihi siru sahita samājā..
riṣi āyasu asīsa sira rākhī. kari daṃḍavata binaya bahu bhāṣī..
patha gati kusala sātha saba līnhē. calē citrakūṭahiṃ citu dīnhēṃ..
rāmasakhā kara dīnhēṃ lāgū. calata dēha dhari janu anurāgū..
nahiṃ pada trāna sīsa nahiṃ chāyā. pēmu nēmu bratu dharamu amāyā..
lakhana rāma siya paṃtha kahānī. pūomchata sakhahi kahata mṛdu bānī..
rāma bāsa thala biṭapa bilōkēṃ. ura anurāga rahata nahiṃ rōkaiṃ..

8.2.215

चौपाई
muni prabhāu jaba bharata bilōkā. saba laghu lagē lōkapati lōkā..
sukha samāju nahiṃ jāi bakhānī. dēkhata birati bisārahīṃ gyānī..
āsana sayana subasana bitānā. bana bāṭikā bihaga mṛga nānā..
surabhi phūla phala amia samānā. bimala jalāsaya bibidha bidhānā.
asana pāna suca amia amī sē. dēkhi lōga sakucāta jamī sē..
sura surabhī surataru sabahī kēṃ. lakhi abhilāṣu surēsa sacī kēṃ..
ritu basaṃta baha tribidha bayārī. saba kahaom sulabha padāratha cārī..

8.2.214

चौपाई
ridhi sidhi sira dhari munibara bānī. baḍabhāgini āpuhi anumānī..
kahahiṃ parasapara sidhi samudāī. atulita atithi rāma laghu bhāī..
muni pada baṃdi karia sōi ājū. hōi sukhī saba rāja samājū..
asa kahi racēu rucira gṛha nānā. jēhi bilōki bilakhāhiṃ bimānā..
bhōga bibhūti bhūri bhari rākhē. dēkhata jinhahi amara abhilāṣē..
dāsīṃ dāsa sāju saba līnhēṃ. jōgavata rahahiṃ manahi manu dīnhēṃ..
saba samāju saji sidhi pala māhīṃ. jē sukha surapura sapanēhuom nāhīṃ..

8.2.213

चौपाई
suni muni bacana bharata hiṃya sōcū. bhayau kuavasara kaṭhina saomkōcū..
jāni garui gura girā bahōrī. carana baṃdi bōlē kara jōrī..
sira dhari āyasu karia tumhārā. parama dharama yahu nātha hamārā..
bharata bacana munibara mana bhāē. suci sēvaka siṣa nikaṭa bōlāē..
cāhiē kīnha bharata pahunāī. kaṃda mūla phala ānahu jāī..
bhalēhīṃ nātha kahi tinha sira nāē. pramudita nija nija kāja sidhāē..
munihi sōca pāhuna baḍa nēvatā. tasi pūjā cāhia jasa dēvatā..

8.2.212

चौपाई
ēhi dukha dāhaom dahai dina chātī. bhūkha na bāsara nīda na rātī..
ēhi kurōga kara auṣadhu nāhīṃ. sōdhēuom sakala bisva mana māhīṃ..
mātu kumata baḍhaī agha mūlā. tēhiṃ hamāra hita kīnha baomsūlā..
kali kukāṭha kara kīnha kujaṃtrū. gāḍai avadhi paḍhai kaṭhina kumaṃtru..
mōhi lagi yahu kuṭhāṭu tēhiṃ ṭhāṭā. ghālēsi saba jagu bārahabāṭā..
miṭai kujōgu rāma phiri āēom. basai avadha nahiṃ āna upāēom..
bharata bacana suni muni sukhu pāī. sabahiṃ kīnha bahu bhāomti baḍaāī..

8.2.211

चौपाई
muni samāju aru tīratharājū. sāomcihuom sapatha aghāi akājū..
ēhiṃ thala jauṃ kichu kahia banāī. ēhi sama adhika na agha adhamāī..
tumha sarbagya kahauom satibhāū. ura aṃtarajāmī raghurāū..
mōhi na mātu karataba kara sōcū. nahiṃ dukhu jiyaom jagu jānihi pōcū..
nāhina ḍaru bigarihi paralōkū. pitahu marana kara mōhi na sōkū..
sukṛta sujasa bhari bhuana suhāē. lachimana rāma sarisa suta pāē..
rāma birahaom taji tanu chanabhaṃgū. bhūpa sōca kara kavana prasaṃgū..

8.2.210

चौपाई
kīrati bidhu tumha kīnha anūpā. jahaom basa rāma pēma mṛgarūpā..
tāta galāni karahu jiyaom jāēom. ḍarahu daridrahi pārasu pāēom....
sunahu bharata hama jhūṭha na kahahīṃ. udāsīna tāpasa bana rahahīṃ..
saba sādhana kara suphala suhāvā. lakhana rāma siya darasanu pāvā..
tēhi phala kara phalu darasa tumhārā. sahita payāga subhāga hamārā..
bharata dhanya tumha jasu jagu jayaū. kahi asa pēma magana puni bhayaū..
suni muni bacana sabhāsada haraṣē. sādhu sarāhi sumana sura baraṣē..

Ramcharitmanas

roman